Taasisi ya Taaluma ya Wanyamapori Pasiansi

Kozi ya Astashahada ya Usimamizi wa Uongozaji Watalii na Usalama ni ya mwaka mmoja na imeandaliwa kwa ajili ya wahitimu wa Kozi ya Astashahada ya Awali ya Uongozaji Watalii na Usalama, na vijana waliohitimu kidato cha sita. Wahitimu wanaandaliwa kuwa viongozi wa shughuli za Uongozaji Watalii na Usalama wakati wa kutekeleza majukumu katika Taasisi za Serikali, Mashirika binafsi, Jumuiya za Hifadhi za Vijiji, Makampuni ya Utalii, Uhifadhi na Uwindaji na Mashirika ya Kimataifa. Mafunzo haya yanatolewa kwa kipindi cha mwaka mmoja na yatamuwezesha mhitimu kufanya kazi za kawaida za kila siku katika Taasisi, Kampuni na Mashirika tajwa. Kazi hizo ni kama ifuatavyo:

• Kuratibu kazi za uongozaji Watalii katika vivutio vya aina mbalimbali Tanzania,
• Kufanya ubunifu wa kuboresha taarifa za vivutio katika eneo la kazi,
• Kuibua vivutio vipya na kuweka taarifa sahihi,
• Kuhakikisha taarifa za vivutio zinatolewa kwa lugha sahihi kwa Watalii,
• Kuhakikisha takwimu za watalii na safari za kitalii zimerekodiwa na kutunzwa ipasavyo,
• Kuhakikisha malalamiko kutoka kwa Watalii yamepatiwa suluhu stahiki,
• Kuhakikisha miundo mbinu ya eneo la utalii ni salama muda wote,
• Kutoa ushauri wa kitaalamu kwa Taasisi, Shirika na Kampuni iliyomwajiri,
• Kuhakikisha kuwa kumbukumbu za vitabu/majalada/majarida ya kitalii yanatunzwa ipasavyo,
• Kuratibu na kusimamia kazi za ulinzi na doria katika maeneo ya ndani na nje ya eneo lake la kazi,
• kufanya shughuli zingine za kawaida zitakazotolewa na viongozi sehemu za kazi.